GREQI- Arrestohet në Greqi i riu shqiptar pasi u kap duke grabitur në një supermarket. Mësohet se 20-vjeçari kishte grabitur shpesh marketet, kioskat apo dyqanet në zonën e Bajronit dhe Pakratiou në shtetin fqinj.
Si pasojë e grabitjeve të njëpasnjëshme ai ishte kthyer në burim frike për dyqanet e zonës. I riu është arrestuar mesditën e djeshme dhe i është caktuar masa arrest me burg për vjedhje të përsëritur.
20-vjeçari shqiptar para se të grabiste, vendoste kapuç të zi për të mbuluar fytyrën, zgjidhte orët e mbrëmjes dhe futej në dyqane me thikë në dorë duke kërcënuar shitësit më qëllim marrjen e shumave të parave.
