Autoritetet italiane kanë arrestuar dy shqiptarë gjatë një operacioni të Njësisë Operacionale të Spoleto-s për luftimin e trafikut të drogës. Dy të dyshuarit, një 24-vjeçar dhe një 19-vjeçar, u kapën duke shpërndarë lëndë narkotike dhe tentuan të arratisen kur panë karabinierët.
Shoferi i automjetit, një 24-vjeçar, u përpoq të largohej me shpejtësi, por makina mbeti e bllokuar në një rrugë të ngushtë, duke lejuar ndërhyrjen e policisë. Gjatë kontrollit, oficerët gjetën 5 gramë kokainë të ndarë në 9 doza.
Të dy personat, të njohur për precedentë penalë, u ndaluan, me 24-vjeçarin që u arrestua dhe u vendos në paraburgim. Gjyqtari miratoi masën e sigurisë me burg për të, duke e cilësuar si të rrezikshëm dhe përsëritës në fushën e narkotikëve, ndërsa 19-vjeçari po hetohet në gjendje të lirë.
