Identifikohet dhe arrestohet 52-vjeçari me inicialet Sh.D në Durrës. Një video e publikuar në rrjetet sociale ku shfaqet një burrë teksa dhunon një të mitur ka bërë të nevojshme ndërhyrjen e Policisë.
Mësohet se burri në video është babai 52-vjeçar i të miturit dhe është arrestuar për veprën penale dhuna në familje.
Njoftimi i Policisë:
Reagim i Drejtorisë Vendor e të Policisë Durrës
Në lidhje me një video të postuar në portalin “JOQ”, në të cilën shfaqet një shtetas duke dhunuar një të mitur, ju informojmë se:
Menjëherë pas publikimit të videos, shërbimet e Komisariatit të Policisë Durrës kanë identifikuar dhe arrestuar për veprën penale “Dhuna në familje”, shtetasin Sh. D., 52 vjeç, banues në Durrës (babai i shtetasit të mitur).
Drejtoria Vendore e Policisë Durrës fton median dhe qytetarët të denoncojnë në numrin 112, çdo paligjshmëri, dhe i garanton ata për anonimati të sigurtë dhe reagim të menjëhershëm konform ligjit.
