Egjipti udhëzoi linjat e tij ajrore që të shmangin hapësirën ajrore të Iranit për një periudhë 3-orëshe.
Një njoftim i dorëzuar në një autoritet të aviacionit për të paralajmëruar pilotët e avionëve për rreziqe të mundshme përgjatë një rruge fluturimi , tha se udhëzimi do të ishte efektiv nga ora 01:00 deri në 04:00.
“Të gjithë transportuesit egjiptianë duhet të shmangin fluturimin mbi Teheran. Asnjë plan fluturimi nuk do të pranohet mbi një territor të tillë”, thuhet në njoftim.
Izraeli është në gatishmëri të lartë ushtarake për një sulm të mundshëm iranian pas vrasjes javën e kaluar të shefit politik të Hamasit, Ismail Haniyeh.
Ndërsa Hamasi dhe Irani akuzuan Izraelin për kryerjen e vrasjes së Haniyeh, Tel Aviv nuk e ka konfirmuar apo mohuar përgjegjësinë.
