Durrës, 29 qershor 2025 – Një ngjarje e rëndë është shënuar rreth orës 14:30 në zonën e njohur si Sektori Rinia në Durrës, ku është gjetur në det trupi i pajetë i një shtetasi rreth 50 vjeç.
Sipas të dhënave paraprake, dyshohet se viktima është mbytur, ndërkohë që ende nuk është bërë identifikimi i tij. Trupi është pikasur nga qytetarë dhe menjëherë është njoftuar policia.
Grupi hetimor ndodhet në vendngjarje dhe po punon për të identifikuar personin si dhe për të zbardhur plotësisht rrethanat e kësaj ngjarjeje të rëndë. Shkaqet e mbytjes mbeten ende të paqarta.
