Një aksident i rëndë ka ndodhur në orët e para të mëngjesit të së hënës në autostradën Tiranë-Durrës, duke shkaktuar vdekjen e një të riu dhe plagosjen e tre personave të tjerë.
Sipas Policisë, viktima është 28-vjeçari Gëzim Muçaj, ndërsa të plagosurit janë Eduart Ripa, Ervin Qira dhe Shkëlqim Doçi.
Ngjarja ndodhi kur Muçaj, duke drejtuar automjetin e tij, humbi kontrollin dhe u përplas me trafikndarësen. Pas aksidentit, ai dhe pasagjerët dolën nga makina për të inspektuar dëmet, por u goditën nga një tjetër automjet me drejtues 70-vjeçarin Ismail Laçe, i cili tashmë është arrestuar.
