SPAK shpall pretencën për Talo Çelën, lidhur me mega-grabitjen e 4.5 milione eurove në aeroportin Nënë Tereza në Rinas, ngjarje e shënuar në muajin prill të vitit 2019.
SPAK kërkon dënimin e tij me 19 vite burgim.
Pas leximit të pretencës, avokati i Talon Ccelës kërkoi pak kohë të njihej me materialin e SPAK.
Gjykata e Posaçme e përbërë nga Erjon Bani, Rudina Palloj dhe Elsa Ulliri caktuan seancën gjyqsore në datë 21 nentor ora 10.00, ku do shpallet vendimi lidhur me Çelën.
Ky i fundit është një nga personat më të shumëkërkuar në Shqipëri. Ai u shpall në kërkim në kuadër të operacionit të koduar “Plumbi i Artë”, që çoi në kapjen e Nuredin Dumanit, Henrik Hoxhajt si dhe të disa personave të tjerë, pjesë e botës së krimit.
Për ngjarjen e 2019, GJKKO në tetor të vitit të shkuar dënoi me 122 vite burg 7 të pandehurit e grupit kriminal.
Klement Çala u dënua me 20 vite, ndërsa gjashtë të tjerët Oltion Veseli, Renaldo Sulaj, Saimir Cela, Oltion Pikli, Alkond Bengasi dhe Eldi Çala me 17 vite burg.
Të dënuarit po e vuajnë dënimin në një burg të sigurisë së lartë.
