Një ngjarje e rëndë ndodhi pasditen e djeshme në Halkidiki, Greqi, ku një 22-vjeçar shqiptar goditi me thikë një oficer policie 49-vjeçar. Sipas dëshmive të banorëve, i riu kishte ngritur pritë pranë shtëpisë së policit dhe kjo nuk ishte hera e parë që ndodhte një përballje mes tyre.
Sulmi ndodhi jashtë banesës së oficerit, e cila ndodhet në të njëjtën ndërtesë me një punishte zdrukthëtarie që ai drejton bashkë me vëllain. Dëshmitarët thanë se shqiptari e kishte përndjekur policin disa herë më parë, ndërsa dje e sulmoi duke nxjerrë thikën dhe e goditi.
Oficeri, i cili është i njohur si një familjar i përkushtuar dhe banor i përhershëm i zonës, u dërgua në spitalin e Poligjiros me plagë të lehta. I riu shqiptar u arrestua dhe ndaj tij rëndojnë akuzat për plagosje të rëndë dhe mbajtje të paligjshme të armës së ftohtë.
