Policia e Tiranës ka arrestuar Orges (Dritan) Jahelezin, 48 vjeç, banues në kryeqytet, i cili ishte shpallur në kërkim nga autoritetet.
Jahelezi është i dënuar nga Gjykata e Posaçme e Shkallës së Parë për Korrupsionin dhe Krimin e Organizuar me 6 vite e 8 muaj burg për veprat penale “Grup i strukturuar kriminal”, “Prodhimi dhe shitja e narkotikëve” dhe “Kryerja e veprave penale nga organizata kriminale”.
Arrestimi i Jahelezit është një tjetër hap në luftën kundër krimit të organizuar dhe trafikut të narkotikëve në vend.
