Elbasan – Autoritetet policare kanë arrestuar sot në flagrancë një grua 71-vjeçare pasi ajo ka tentuar të sulmojë një punonjëse të një institucioni publik me shufër hekuri. Sipas burimeve policiere, motivi i sulmit lidhej me detyrat e kryera nga punonjësja.
Gjatë kontrollit, policia zbuloi në posedim të të arrestuarit një shishe plastike të mbushur me benzinë, e cila është konfiskuar si provë materiale. Rasti është referuar zyrtarisht në Prokurorinë e Elbasanit për vlerësim dhe ndërmarrje veprimesh të mëtejshme juridike.
