Çekia komplikoi rrugën drejt Euro 2024, pas asaj disfate të thellë 3-0 në Shqipëri ndaj kuqezinjve. Kapiteni i çekëve, Tomas Soucek në një intervistë të dhënë për faqen zyrtare të përfaqësueses shprehet se të gjithë janë të zhgënjyer dhe për shkak të rolit që ka, merr përsipër gjithçka. Fokusi tashmë për ta është në ndeshjen e radhës, atë ndaj Ishujve Faroe këtë të dielë.
Tomáš, a e keni hedhur pas krahëve zhgënjimin nga ndeshja me Shqipërinë?
Kuptohet, të gjithë ishim të zhgënjyer. Nuk shkuam për këtë rezultat, të gjithë donim një fund tjetër. Por të gjithë jemi profesionistë dhe kemi një ndeshje tjetër përpara. I thamë vetes pas disfatës se do të bëjmë gjithçka për të fituar ndeshjen ndaj Ishujve Faroe.
