Mbrëmjen e sotme, në rrugën “Ramiz Aranitasi” në Fier, ka ndodhur një aksident rrugor, ku një automjet ka përplasur dy shtetas të moshuar teksa po kalonin në vijat e bardha.
Të lënduarit janë transportuar menjëherë në Spitalin Rajonal të Fierit për të marrë ndihmën mjekësore dhe ndodhen jashtë rrezikut për jetën.
Në vendngjarje ndodhen shërbimet e Policisë dhe grupi hetimor, të cilët po punojnë për përcaktimin e plotë të rrethanave dhe shkaqeve të aksidentit.
