Një efektiv i policisë është përplasur nga një makinë, pak çaste më parë në zonën e Freskut në Tiranë.
Ai është transportuar në spital dhe ndodhet jashtë rrezikut për jetën. Policia thotë se ka identifikuar makinën dhe po punon për gjetjen e drejtuesit, që është larguar menjëherë nga vendngjarja.
Rrethanat e aksidentit janë ende të paqarta.
Njoftimi i policisë:
Rreth orës 17:40, në Fresk, një automjet me drejtues ende të paidentifikuar ka përplasur shtetasin A. L (punonjës policie jashtë shërbimit). Punonjësi i Policisë ndodhet në spital, nën kujdesin e mjekëve, jashtë rrezikut për jetën.
Është bërë identifikimi i automjetit dhe po punohet për gjetjen e tij dhe të drejtuesit.
Grupi hetimor punon për sqarimin e rrethanave të aksidentit.
