Një sulm terrorist nga xhihadistët në Burkina Faso ka shkaktuar mbi 100 të vdekur dhe 140 të plagosur.
Sulmi ndodhi në një tubim të qytetarëve në një treg në lagjen Yagha, në veri të vendit.
Burkina Faso është goditur vazhdimisht nga sulmet xhihadiste në vitet e fundit, të lidhura me grupet e lidhura me Al-Kaedën dhe Shtetin Islamik.
Këto sulme kanë shkaktuar një krizë të rëndë humanitare në vend, me mijëra njerëz të zhvendosur dhe situatën e sigurisë mbetet jashtëzakonisht e paqëndrueshme.
Sulm i ri nga grupi i armatosur
Sipas mediave afrikane, të paktën njëqind njerëz, kryesisht civilë, u vranë këtë të shtunë në Barsalogho, në rajonin veri-qendror të Burkina Faso, kur po hapnin llogore rreth qytetit të tyre për t’u mbrojtur nga sulmet xhihadiste.
Një grup personash të armatosur mbërritën me motoçikleta dhe filluan të qëllonin pa dallim mbi popullsinë.
Organizata terroriste e lidhur me Al-Kaedën, Grupi Mbështetës për Islamin dhe Myslimanët (JNIM, me akronimin e saj arab) mori përgjegjësinë për masakrën disa orë më vonë.
Qytetarët po detyrohen të hapin llogore, nga presidenti i juntës ushtarake që sundon vendin nga viti 2022, kapiten Ibrahim Traoré.
Megjithëse numri i saktë i të vdekurve nuk dihet, ky është një nga sulmet më të rënda ndaj civilëve në vitet e fundit në Burkina Faso.
Burime të ndryshme sigurojnë se ka nga 100 deri në 200 të vdekur, si dhe 140 të plagosur të cilët janë dërguar në spitalin Kaya që ndodhet rreth 45 kilometra larg dhe në qendra të ndryshme shëndetësore të zonës.
Mes të vdekurve janë disa anëtarë të Vullnetarëve për Mbrojtjen e Atdheut (VDP), një strukturë politike e krijuar nga qeveria e Burkinabe për të ndihmuar ushtrinë në luftën kundër terrorizmit. Sulmuesit konfiskuan armë dhe një ambulancë ushtarake.
Zona është skena e shpeshtë e pritës, sulmeve dhe e vendosjes së eksplozivëve nga dega lokale e JNIM, grupi xhihadist më aktiv në Sahelin qendror.
Në të njëjtën kohë, është një zonë ku janë vendosur dhjetëra mijëra njerëz të zhvendosur brenda vendit, duke ikur nga dhuna më në veri të vendit, në rajonin e Sahelit. Barsalogho ndodhet 145 kilometra nga kryeqyteti Ouagadougou. /noa.al
