Sezoni i festave të dhjetorit ka marrë pamjen e tij të plotë, teksa është hapur tregu i Krishtlindjes në Bashkinë e Berlinit, i cili tërheq grupe të mëdha njerëzish që kanë dëshirë të konsumojnë diçka të ngrohtë dhe të shohin pamjen e bukur që të ofrojnë dekoret festive.
“Në këto ditë dhe kohë që po jetojmë, mendoj se të gjithë presim me padurim periudhën e Krishtlindjes, dritën, shpresën dhe besimin.
Ka luftëra kudo, kriza, ndarje dhe mendoj se ajo që na duhet është pikërisht shpresa, besimi, dashuria dhe bashkimi.”
Përveç dekorimeve festive, frekuentuesit e tregut mund të gjejnë një shesh patinazhi në akull dhe tezga që shesin ushqime tradicionale të tregut të Krishtlindjes, si bajame të pjekura ose salçiçe. Ky treg është vetëm një nga shumë pika të hapura në Berlin, i cili do të jetë në dispozicion të qytetarëve për më shumë se një muaj, deri në fund të dhjetorit.
