Një ngjarje tragjike ka ndodhur në Durrës, ku një 82-vjeçar, Paulin Gina, është gjetur i vdekur në banesën e tij në lagjen 16.
Viktima ka pasur disa plagë thike në pjesën e fytyrës, dhe dyshohet për një vrasje. Gina jetonte i vetëm, pasi familjarët e tij ndodheshin në Itali.
Pasi 82-vjeçari nuk u përgjigj në telefonatën e dërguar nga të afërmit, ata alarmuan policinë. Kur forcat e rendit mbërritën në banesën e tij, ata e gjetën të pajetë.
Policia ka nisur hetimet për të zbardhur ngjarjen dhe për të identifikuar shkaqet dhe rrethanat e krimit.
