Durrës — Policia e Durrësit ka finalizuar me sukses një operacion antidrogë të koduar “Porcione”, i cili kishte në shënjestër trafikun dhe shpërndarjen e lëndëve narkotike në doza të vogla në qytet.
Operacioni u zhvillua nga Seksioni për Hetimin e Narkotikëve, në bashkëpunim me forcën e posaçme “Shqiponja”, dhe çoi në arrestimin e një shtetasi 22-vjeçar, me inicialet Leonard Limani, banues në Durrës.
Gjatë kontrollit në automjetin e tij, policia gjeti dhe sekuestroi dhjetëra doza të dyshuara me kokainë, të fshehura në një ndarje të modifikuar të automjetit, të gatshme për t’u shpërndarë në treg.
Materialet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme procedurale.
DVP Durrës/Finalizohet operacioni policor i koduar “Porcione”, për goditjen e veprimtarisë kriminale të shitjes së lëndëve narkotike në doza.
Operacioni u zhvillua nga Seksioni për Hetimin e Narkotikëve, në bashkëpunim me Forcën e Posaçme “Shqiponja”.
Sekuestrohen dhjetëra doza me lëndë narkotike të dyshuar kokainë.
Në vijim të goditjeve të njëpasnjëshme ndaj veprimtarisë kriminale në fushën e shpërndarjes së lëndëve narkotike në doza, si rezultat i hetimeve të bazuara në informacionet policore, shërbimet e DVP Durrës kanë finalizuar një tjetër operacion policor, të koduar “Porcione”, në kuadër të të cilit u kap dhe u arrestua në flagrancë shtetasi:
L. L., 22 vjeç, banues në Durrës.
Shërbimet e Policisë, gjatë kontrollit të ushtruar në automjetin e tij, në një vend të përshtatur për të fshehur lëndën narkotike, gjetën dhe sekuestruan një sasi lënde narkotike të dyshuar kokainë, e ndarë në dhjetëra porcione, gati për shitje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
