Pamje të frikshme janë publikuar kur një superjaht 100 metërsh përplaset direkt me një anije tjetër. Siç dëgjohet edhe në video pasagjerët janë frikësuar. Në videon e shpërndarë në rrjetet sociale, superjahti 100 milionë eurosh Lurseen shihet duke lëvizur në drejtim të një anije tjetër në brigjet Yalikavak të Bodrumit në Turqi.
Gjithashtu mbetet e paqartë se çfarë e shkaktoi këtë përplasje, por anija më e vogël ka pësuar dëme të mëdha, kurse personat që gjendeshin në bord kanë shpëtuar pa lëndime.
Lajmi me superjahtin vjen një javë pasi një tjetër hajt u fundos në Sicili si pasojë e erërave të forta, ku humbi jetën miliarderi britanik Mike Lynch si dhe vajza e tij 18-vjeçe Hannah. Rojet bregdetare turke kanë filluar hetimet, për të përcaktuar shkakun e vërtetë që solli këtë përplasje të jahteve në brigjet turke.
