Votimi i projektligjeve dhe disa mungesa nga radhët e partisë së tij detyroi kryeministrin Edi Rama që të ishte prezent në seancën plenare.
Kohët e fundit, pjesëmarrja e Ramës në Parlament ka qenë e rrallë.
Nga mazhoranca në sallë ishin prezentë vetëm 74 deputetë, ndërsa demokratët e braktisën votimin, duke mbetur i vetëm Dashnor Sula.
Kryeministri votoi vetëm për 4 p/ligje; të bimëve, shëndetin e kafshëve, përpunimin e informacionit të udhëtimit dhe kontrollit të kufirit.
Më pas ai u largua duke lënë deputetët e tij të gatshëm për të votuar.
Praninë e tij deputeti i opozitës, Dashnor Sula, e shfrytëzoi për të abstenuar projektligjet.
Në disa nisma të kolegëve të tyre, siç ishte ai për sportin, abstenuan edhe Erion Braçe, Petro Koçi si dhe deputetja e PSD Meri Markiçi.
Gjithashtu Braçe abstenoi edhe për p/ligjin për përdorimin e biokarburanteve dhe të lëndëve të tjera djegëse, të rinovueshme për transport”.
