SHKOZË- Një apartament në Shkozë, është përfshirë nga flakët mëngjesin e sotëm. Siç raportohet banesa e cila u përfshi nga flakët ndodhet në katin e tretë të ndërtesës. Fatmirësisht, nuk raportohet për persona të lënduar, por vetëm dëme materiale.
Ndërkohë dy shërbime zjarrfikëse që ndodheshin në vendngjarje arritën të neutralizojnë flakët dhe të sigurojnë zonën. Gjithashtu hetimet për shkakun e zjarrit vazhdojnë.
Njoftimi i Policisë:
Informacion paraprak: Me datë 06.04.2025, rreth orës 09:45, ka rënë zjarr në katin e tretë të një banese në Shkozë. Si pasojë janë shkaktuar vetëm dëme materiale. Shërbimet e Policisë bënë evakuimin e banorëve dhe sëbashku me grupin hetimor po punon për përcaktimin e shkakut të zjarrit
