Një banesë është përfshirë nga flakët në lagjen “18 Shtatori” të Gjirokastrës, si pasojë e një mase elektrike në aspiratorin e kuzhinës.
Në vendngjarje kanë shkuar menjëherë shërbimet e zjarrfikësve dhe kanë bërë të mundur izolimin e flakëve në pjesët e tjera të banesës.
Fatmirësisht nga zjarri nuk ka persona të lënduar, por vetëm dëme materiale. Hetimet paraprake tregojnë se defekti në sistemin elektrik të aspiratorit ka qenë shkaku i zjarrit.
