Një banesë në fshatin Sallonjas është përfshirë nga flakët ditën e sotme, duke shkaktuar dëme të mëdha materiale dhe lëndimin e një të moshuari.
Sipas të dhënave paraprake, në banesë jetonte i vetëm një 80-vjeçar, i cili është shpëtuar nga forcat zjarrfikëse dhe është dërguar menjëherë në spital. Ai ka pësuar djegie në trup, por fatmirësisht raportohet jashtë rrezikut për jetën.
Flakët përfshinë të gjithë banesën, ndërsa era e fortë kontribuoi në përhapjen e shpejtë të zjarrit. Në vendngjarje ndodhen forcat e policisë, të cilat po punojnë për zbardhjen e plotë të rrethanave.
Ekspertët pritet të përcaktojnë shkakun e saktë të rënies së zjarrit në orët në vijim.
