Një aksident i rëndë ka ndodhur rreth orës 13:30 në autostradën Fier-Vlorë, pranë spitalit Memorial. Në aksident janë përfshirë tre automjete: një “Suzuki”, një “Mercedes” dhe një “Fiat”.
Si pasojë e goditjes së fortë, drejtuesi i automjetit “Fiat” ka mbetur i plagosur dhe është dërguar me urgjencë në Spitalin Memorial për trajtim mjekësor.
Në vendngjarje ka mbërritur policia, e cila ka nisur hetimet për zbardhjen e shkaqeve të aksidentit dhe po merret me rregullimin e trafikut, i cili është ndërprerë pas ngjarjes.
