Shkodër, 8 Mars 2024 /JiLal- Përplasja e një makine me një motor çoi në plagosjen e një burri mbrëmjen e sotme.
Ngjarja ndodhi sonte rreth orës 22:05, në aksin rrugor Shkodër-Kryebushat, noa.al.
Policia tha se automjeti me drejtues shtetasin E. D., 37 vjeç, është përplasur me motomjetin me drejtues shtetasin V. K., 58 vjeç.
Si pasojë është plagosur 58-vjeçari, i cili është në spitalin rajonal të Shkodrës, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit. /noa.al
