Një ngjarje e rëndë ka ndodhur në orët e para të mëngjesit në rrugën “Ndre Mjeda” në Tiranë, ku një 37-vjeçar është plagosur me thikë për motive të dobëta.
Policia u njoftua rreth orës 00:10 dhe ndërhyri menjëherë, duke bërë të mundur identifikimin, kapjen dhe arrestimin e autorit të dyshuar, shtetasit G. P., 28 vjeç, banues në Tiranë. Pas verifikimeve, u zbulua se i arrestuari ndodhej me masë sigurie “Arrest në shtëpi”, për veprën penale “Drejtimi i automjetit në mënyrë të parregullt”.
Shërbimet e Policisë sekuestruan edhe mjetin prerës me të cilin u krye plagosja. Fatmirësisht, i dëmtuari ka marrë asistencë mjekësore dhe ndodhet jashtë rrezikut për jetën.
Materialet hetimore i kaluan Prokurorisë së Tiranës për veprime të mëtejshme ligjore.
