Një ngjarje e rëndë ka ndodhur në rrugën ‘Isa Boletini’ në Prishtinë, ku një person ka humbur jetën, pasi dyshohet se ka rënë në ashensor.
Burimet e Gazetës Sinjali, brenda Emergjencës kanë bërë me dije se kanë dalë në vendin e ngjarjes pas thirrjes për ndihmë, ku kanë gjetur trupin e viktimës, vdekjen e të cilit e konstatoi ekipi mjekësor.
Sipas informacioneve, viktima nuk është identifikuar ende për shkak se nuk kishte me vete dokumente identifikuese, teksa dyshimet e para janë që ai është shtetas i Shqipërisë.
Me urdhër të prokurorit, rasti është cilësuar ‘Hetim i vdekjes’.
Sinjali ka kontaktuar edhe Policinë e Kosovës, për të marrë më shumë informacione, mirëpo të njëjtit ende nuk kanë kthyer përgjigje.
