Mediat e huaja kanë publikuar pamjet nga momenti i vrasjes së gjeneralit rus Igor Kirillov, me anë të një shpërthimi të telekomanduar të një sasie eksplozivi të fshehur në një skuter elektrik jashtë hyrjes së një ndërtese në Moskë.
Në pamjet e filmuara nga kamerat e sigurisë në zonë, gjenerali rus Kirillov dhe shoferi i tij shihen duke dalë nga hyrja e një pallati në orët e para të së martës. Pak sekonda pasi dalin nga hyrja e pallatit skuteri shpërthen, duke i vrarë.
