Vlora është përfshirë nga reshje të dendura të shiut mëngjesin e sotëm ku mësohet se ka pasur probleme në disa akse kryesore. Qarkullimi i automjeteve është bllokuar nga prania e ujit në lagjen “Rilindja”.
Ditën e sotme vendi ynë është përfshirë nga kushte atmosferike të paqëndrueshme si vranësirat dhe reshjet, më të theksuara në zonat veriperëndimore dhe jugperëndimore. Parashikohet që pjesa e dytë e ditës të vijojë më vranësira dhe rrebeshe shiu në të gjithë territorin e vendit. Kjo situatë atmosferike do të na shoqërojë deri në orët e vona të mbrëmjes kur pritet përmirësim gradual i kushteve të motit.
