Shtetet e Bashkuara kanë rikthyer fondet duke rinisur kështu programin e Fullbright për studentët shqiptarë.
Fondet ishin pezulluar më herët në kuadër të riformatimit të shpenzimeve të qeverisë amerikane, pas ardhjes në pushtet të administratës së Donald Trump.
Tashmë Ambasada e SHBA në Tiranë ka hapur thirrjen për aplikimi për programet Fullbright për vitin akademik 2026-2027 dhe afati i aplikimit është data 30 qershor 2025.
Programi Fulbright për Studentë të Huaj është një program një ose dy vjeçar për profesionistë të rinj dhe ata që kanë përfunduar studimet, të interesuar të ndjekin studime në nivelin Master në Shtetet e Bashkuara. Bursat ofrohen në bazë të një procesi të hapur konkurimi dhe meritës.
