ITALI- Një shqiptar është vënë në pranga në Macerata, Itali, pasi është përfshirë në një sherr në një lokal.
Mësohet se pas sherrit ka ndërhyrë policia ndërsa shqiptari ka sulmuar edhe policët.
Ngjarja ka ndodhur pasditen e djeshme, 12 maj, në një klub “Evergreen” në rrugën Vasco de Gama.
Shqiptari, identiteti i të cilit nuk bëhet me dije, ishte në klub ndërsa fillon të debatojë me një person tjetër.
Sherri ka precipituar deri në dhunë fizike. Pasi policia ka mbërritur në vendin e ngjarjes, shqiptari i ka goditur me shkelma dhe ka kafshuar një prej efektivëve.
