TIRANË-Vijon megaoperacioni ‘Tempulli 2’ në mbarë vendin. Në kryeqytet shërbimet e Komisariatit nr.6 vunë në pranga një 31-vjeçar dhe sekuestruan disa doza narkotike kanabis gati për shitje. E.N., banues në Tiranë, shiste lëndë narkotike në doza në zonën e Kombinatit.
‘Shërbimet e Komisariatit të Policisë Nr. 6, në bashkëpunim me specialistët e Seksionit për Hetimin e Narkotikëve, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli 2”, pasi kanë siguruar informacione se një shtetas shiste lëndë narkotike kanabis, në doza, në Kombinat, kanë organizuar punën për kapjen dhe vënien e tij përpara përgjegjësisë penale.
Si rezultat, shërbimet e Komisariatit të Policisë Nr. 6, në Kombinat, kapën shtetasin E. N., 31 vjeç, banues në Tiranë.
Nga verifikimet e kryera ka rezultuar se ky shtetas e siguronte lëndën narkotike në sasi dhe më pas e ndante në doza, të cilat i shiste në Kombinat.
Në cilësinë e provës materiale u sekuestruan doza lënde narkotike kanabis, gati për shitje.
Në vijim të veprimeve u bë arrestimi i shtetasit E. N. dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme’ citon policia.
