Policia franceze ka arrestuar një shtetas shqiptar i cili ishte shpallur në kërkim ndërkombëtar për veprat penale të “Prodhimit dhe shitjes së narkotikëve”.
46-vjeçari Elton Beqiraj ishte dënuar në vitin 2021 nga Gjykata e Rrethit Gjyqësor Tiranë me 5 vjet burgim dhe u kap si rezultat i një operacioni të koordinuar nga Policia e Shtetit shqiptar dhe autoritetet franceze, nëpërmjet shkëmbimit të informacionit përmes Interpol-it në operacionin “Five”.
Shtetasi Elton Beqiraj, 46 vjeç, akuzohet se ka shitur heroinë dhe pilula metadon në vitin 2019.
Ai u kap nga autoritetet franceze, të cilët e kanë arrestuar për qëllimin e ekstradimit të tij në Shqipëri, ku do të vuajë dënimin e dhënë nga Gjykata e Tiranës.
