Policia holandeze ka njoftuar ditën e sotme se ka arrestuar një të dyshuar për hedhjen e një objekti flakërues në ambasadën e Izraelit në Hagë. Në njoftimin e policisë bëhet me dije se nuk ka asnjë të lënduar.
“Rreth orës 10:50. dikush hodhi një objekt të djegur… në ambasadën izraelite. Ne kemi një të dyshuar në paraburgim. Askush nuk u lëndua. Po kryejmë një hetim dhe rreth ambasadës ka një bllokadë të gjerë”, tha policia.
Autoritetet holandeze kanë shtuar masat e sigurisë në ambasadën izraelite në Hagë pas kërcënimeve.
