Gavi është një nga lojtarët më të talentuar të Barcelonës. 18-vjeçari ka tërhequr vëmendjen e disa klubeve të njohura, por ai ka ndërmend të qëndrojë gjatë në “Camp Nou”.
Mesfushori ka dalë nga akademia e klubit kalatanas dhe ka realizuar ëndrrën e fëmijërisë për të luajtur e fituar me skuadrën e zemrës. Në prononcimin e fundit, Gavi bën një premtim për tifozët e Barcelonës.
“Jam i qetë në lidhje me të ardhmen time, të qetë janë edhe tifozët. Kur isha i vogël gjithmonë ëndërroja të qëndroja te Barcelona. E them gjithmonë: ky është klubi i ëndrrave të mia.
Të fitoja me këto ngjyra ka qenë gjithmonë ëndrra dhe objektivi im. Kemi fituar kampionatin, në sezonet e ardhshme do të synojmë suksesin në Europë”, u shpreh Gavi.
Çfarë tha Xavi disa ditë më parë për mesfushorin e tij? “Nuk do të ishte në asnjë skuadër tjetër kaq i lumtur sa është tek Barcelona.
Ai është titullar dhe mjaft i rëndësishëm në fushë. Është një mrekulli kur sheh se është vetëm 18-vjeç, e ardhmja e tij kalon nëpërmjet Barcelonës“.
- Më të lexuarat
- “Jam në një lidhje me Noizyn”/ Ish-banorja e BBV trondit fansat: Do martohemi, dasmën do e bëjmë…
- “M’i dinte skemat, më njihte si karakter”/ Qetsori rrëfen episodin komik me Luiz…
- Sporti në zi/ Atleti i njohur përplaset për vdekje, dyshohet se… (Foto)
- Meridiani flet për instagramin e Luizit: E kam menaxhuar deri në momentin që…
- Gruaja gjen burrin të vrarë me plumb në kokë në makinë
