Drejtoria Vendore e Policisë Tiranë ka finalizuar operacionin policor të koduar “Settings”, gjatë të cilit është arrestuar një 25-vjeçar i dyshuar për posedim dhe shitje të lëndëve narkotike. Operacioni u realizua nga Komisariati i Policisë Vorë, në bashkëpunim me Komisariatin e Policisë Nr. 6, pas informacionit të siguruar nga inteligjenca informativ.
Shtetasi B. H., banues në Tiranë, u ndalua në aksin rrugor “Vorë-Tiranë”, ku gjatë kontrollit të automjetit të tij u gjet një sasi e dyshuar narkotike kokainë. Pas arrestimit, policia kryeoi kontroll në banesën e tij dhe në servisin që ai kishte në përdorim, ku gjeti dhe sekuestroi 107 doza kokaine, të cilat dyshohet se ai i kishte me qëllim shitjen.
Gjatë kontrollit u zbuluan gjithashtu 5 targa automjetesh, njëra prej të cilave i përkiste një automjeti të vjedhur në Fier, si dhe një sasi e vogël municioni luftarak.
Njoftimi i policse
Komisariati i Policisë Vorë, në bashkëpunim me Komisariatin e Policisë Nr. 6, bazuar në informacionet e siguruara nga inteligjenca informative për një shtetas që posedonte lëndë narkotike dhe sende të kundërligjshme, kanë organizuar dhe finalizuar operacionin policor të koduar “Settings”, si rezultat i të cilit u arrestua shtetasi B. H., 25 vjeç, banues në Tiranë.
Gjatë operacionit, në aksin rrugor “Vorë-Tiranë”, shërbimet e Policisë kanë ndaluar automjetin me drejtues shtetasin B. H. Gjatë kontrollit fizik ndaj tij dhe kontrollit në automjet, u gjet një sasi lënde e dyshuar narkotike kokainë.
Në vijim, gjatë kontrollit në banesën e këtij shtetasi dhe në servisin që ai kishte në përdorim, u gjetën dhe u sekuestruan në cilësinë e provës materiale: 107 doza të lëndës së dyshuar narkotike kokainë, që dyshohet se ai i posedonte me qëllim shitjen, 5 targa automjetesh, njëra prej të cilave i përket një automjeti të vjedhur në Fier, dhe një sasi e vogël municioni luftarak.
Vijojnë hetimet për dokumentimin e veprimtarive kriminale të këtij shtetasi.
Materialet procedurale iu referuan Prokurorisë së Tiranës, për veprime të mëtejshme.
