Detaje të reja dalin lidhur me zjarrin në pallatin 8-katësh që u përfshi sot nga flakët e zjarrit në zonën e ‘Komunës së Parisit’ në Tiranë.
News 24 bën me dije se kanë mbetur të lënduar katër persona.
Një nënë me dy fëmijët e saj të mitur kanë pësuar djegie, ndërsa një e moshuar është rrëzuar nga shkallët kur ka tentuar të dalë nga pallati.
Sipas raportimeve nga strukturat e Mbrojtjes Civile të Bashkisë Tiranë, zjarri në katin nëntokë të Kompleksit Kika në Komunën e Parisit është vënë nën kontroll nga 2 mjete zjarrfikëse dhe 10 efektivë zjarrfikës.
Janë djegur 3 automjete të parkuara, banorët janë evakuuar dhe situata nuk paraqet rrezik për njerëzit.
Ka ende prezencë tymi dhe paraprakisht dyshohet se shkaku është një shkëndijë elektrike.
Strukturat e MZSH dhe Policia e Shtetit po vijojnë veprimet në vendngjarje për të garantuar sigurinë dhe hetimin e plotë të rrethanave.
Zjarri përfshin pallatin në Tiranë, banorët evakuohen me shkallë nga ballkonet
Policia dhe zjarrfikesit nderhyne pasi një pallat 8-katësh në Tiranë është përfshirë nga flakët pasi ka rënë zjarr në garazh në zonën e Komunës së Parisit.
Siç shihet edhe nga pamjet, zona është mbuluar nga tymi.
Në vendngjarje shkuan forcat zjarrfikëse, të cilat kryen evakuimin e banorëve.
Për të nxjerrë banorët nga banesa forcat zjarrfikëse kanë përdorur shkallët, dhe ballkonet e godines. Ndërkohë në vendngjarje ndodhet edhe policia e cila po punon për menaxhimin e situatës.
Ende nuk ka informacion se cili ka qenë shkaku i zjarrit.
Zjarr në garazhin e pallatit 8 katësh tek Komuna e Parisit në Tiranë, policia nis hetimet
Garazhi i nje pallati 8 katesh ne zonen e Komunes se Parisit ne Tirane u perfshi nga zjarri pak minuta me pare.
Policia tha se po evakuohen banoret ndersa ka nisur hetimi per shkakun e ngjarjes.
Tiranë/Informacion paraprak
Më datë 25.01.2025, rreth orës 18:00, tek Komuna e Parisit, tek Kika 1, ka rënë zjarr në garazhdin e një pallati 8-katësh.
Në vendngjarje ndodhen shërbimet e Policisë të cilët po bëjnë të mundur evakuimin e banorëve, ndërsa shërbimet zjarrfikëse po punojnë për fikjen e zjarrit.
Grupi hetimor po punon për percaktimin e shkakut të rënies së zjarrit.
