Ato janë kombinimi i faktorëve mjedisorë, emocionalë, afektivë, edukativë dhe relacionalë, të lidhur me përvojat e tij jetësore, të cilat karakterizojnë zhvillimin e personalitetit të fëmijës. Në këtë ndërthurje faktorësh, disa aspekte të temperamentit të çdo fëmije mbeten të pandryshuara me kalimin e kohës, ndërkohë që karakteri dhe personaliteti i tij mund t’i nënshtrohen më shumë ndikimeve të shumta të figurave të tij më të rëndësishme referuese.
Gabim: Krahasimi i tyre me fëmijët e tjerë
Kjo ide është mjaft e zakonshme tek njerëzit që kanë pasur probleme financiare gjatë fëmijërisë së tyre, nuk mund të kishin të njëjtat lodra si shokët e klasës ose nuk mund të visheshin njësoj dhe ndiheshin të përbuzur ose inferiorë për shkak të kësaj.
Gabim: Duke dhënë shumë liri
Ka njerëz ende të përhumbur nga traumat e fëmijërisë. Ndoshta ka qenë dita kur prindërit i kanë vënë në siklet para shokëve të klasës, apo kur nuk kanë pranuar t’u blejnë atë lodrën që e kanë ëndërruar prej kaq kohësh, apo kur kanë zgjedhur të ndryshojnë qytete e shkolla pavarësisht mendimit të tyre. Ajo ngjarje la një plagë të madhe, aq të thellë, te personi, saqë siguron që ai kurrë nuk do t’ua bëjë një gjë të tillë fëmijëve të tij.
Gabim: Të jesh autoritar i madh
Shumë prindër priren të mendojnë se duhet të përsërisin kushtet në të cilat janë rritur. Zakonisht këta janë njerëz që mendojnë se karakteri i fëmijëve farkëtohet përmes eksperimentimit dhe sa më gjatë të zgjasë, aq më mirë.
Gabim: Vendosja për fëmijët
Kjo ide është e zakonshme në mesin e atyre që nuk u mbështetën nga prindërit e tyre, të cilët i detyruan të bënin diçka që nuk dëshironin. Si rezultat, ata besojnë se kanë humbur “mundësinë e një jete” dhe nuk mund të ecin përpara, por vazhdojnë të grumbullojnë zhgënjim dhe pakënaqësi.
Gabim: Të qenit tepër mbrojtës
Prindërit që kanë pasur përvoja negative në fëmijëri priren të zhvillojnë një stil edukimi tepër mbrojtës. Është e kuptueshme, ata mendojnë se bota është një vend armiqësor dhe duhet të mbrojnë fëmijët e tyre.
Gabim: Mendoni se fëmija juaj është i përsosur
Duhet të shmanget kritikimi i mësuesve që i japin fëmijës tuaj një notë të keqe ose qortim. Kjo ushqen faktin që fëmija është i përsosur. Prindi, duke u përpjekur ta mbrojë atë, në fakt rrezikon të rrisë një arrogancë te fëmija.
Gabim: Plotësimi i boshllëqeve me të mira materiale
Është një fenomen që sot haset në shumë familje. Gabimi i shumë prindërve është të kompensojnë mungesën e kohës me lodra, kompjuterë, celularë…. Asnjë e mirë materiale nuk mund të zëvendësojë kurrë dashurinë e një prindi.../jetoilumtu.al/
