Të shtëna me armë zjarri janë raportuar mëngjesin e sotëm në Kurbin. Sipas informacioneve është qëlluar me armë zjarri drejt një makine në lëvizje që drejtohet nga një shtetase e huaj.
Ngjarja ka ndodhur në afërsi të fshatit Bushnesh, ndërsa ende nuk dihen motivet. Gjithashtu ende nuk dihet nëse në makinë kishte persona të tjerë apo nëse ka të lënduar.
Ngjarja ka ndodhur rreth orës 06:00 të mëngjesit të 11 gushtit, ndërsa drejtuesja e mjetit dhe persona të tjerë janë shoqëruar në Komisariatin e Laçit dhe po merren në pyetje lidhur me ngjarjen. Policia dhe grupi hetimor po punojnë për zbardhjen e saj, si edhe identifikimin e autorit/ëve.
