Njerëzit nuk gjykohen kur janë të dashuruar…
Unë do bëj një analizë edhe të dashurisë, edhe të rifutjes. Unë nuk di dashuri që ty të bënka kaq keq, të çon në një pikë shumë të rëndë tënden psikologjike, ti del, na kthehesh pas 9 ditësh dhe je totalisht e çliruar nga këto emocione dhe e kthjelluar, me fjalët e familjes, me fhalët e atyre që të duan dhe rikthehesh për të sjellë diçka tjetër. Unë di që trajtimet psikologjike duan gjashtë muaj e sipër për t’u bërë. Nëse Egli si ‘super sajane’ na del, na përkëdhel trurin, na kthehet për të sjellë diçka ndryshe dhe arrin në këto nivele sërish, duke fjetur me këtë djalë, duke bërë të gjitha gjërat që ka bërë dhe në fund dasmën… Patjetër që donte ta bënte, sepse Egli dëshiron të jetë në qendër të vëmendjes. Është e sëmurë për famë. Unë e kam parë me një skizofreni për famë shumë të frikshme. Madje edhe para një jave kur kemi qenë në emision tek Bieta Sulo, “Ftesë në 5”, e kam thënë që mos u habisni nëse ndodh një dasmë midis këtyre dy personave, se bëhet fjalë për çiftin më të kompletuar që mund të ketë patur ndonjëherë “Big Brother” në katër edicione, ku të dy janë të çmendur dhe sakrifikojnë çdo gjë për famë dhe për të arritur atje ku dëshirojnë.
