Ne të gjithë e kemi një qëllim në jetë. Meqenëse nuk ka asnjë individ tjetër në planet tamam si ju, që të ketë kombinimin e saktë të natyrës dhe të të ushqyerit, duket e qartë dhe logjike që ju duhet të jeni në gjendje të ofroni një vlerë që askush tjetër nuk është në gjendje ta sigurojë. Kjo vlerë unike është qëllimi i tetëstuaj, dhurata që vetëm ju mund t’i jepni botës dhe është e lidhur thelbësisht me atë se kush jeni si individ.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar kët
Ndërsa shumë besojnë se paratë dhe vdekja janë dy tema tabu që familjeve nuk u pëlqen t’i diskutojnë, edhe më shumë tabu janë bisedat rreth kuptimit të jetës ose qëllimit të saj. Shumica e kalon pjesën më të madhe të jetës dhe karrierës duke menduar pikërisht për këtë çështje dhe duke bërë pyetjen: Çfarë do të thotë qëllimi i jetës, dhe më e rëndësishmja, si e gjen dhe e përmbush atë?
Qëllimi i jetës tuaj është më i madh se çdo problem apo rrethanë e zgjidhshme
Qëllimi i jetës tuaj, nuk mund të jetë zgjidhja e një problemi të caktuar ose bazuar në ndonjë rrethanë që mund të mos ekzistojë më. Përndryshe, qëllimi juaj mund të përfundojë derisa jeni gjallë dhe atëherë jeta juaj nuk do të ketë më një qëllim apo kuptim. Për shembull, disa mund të besojnë se gjetja e kurës për kancerin është qëllimi i tyre i jetës. Gjetja e kurës për kancerin mund të mishërojë qëllimin e tyre të jetës, dhe të jetë një arritje e madhe gjatë udhëtimit të tyre, por qëllimi i jetës së tyre është më i madh dhe përtej kancerit. E njëjta gjë vlen edhe për të qenë mjek ose shkencëtar. Askush nuk është “lindur për të qenë” mjek apo shkencëtar, por qëllimi i tyre jetësor mund të përmbushet përmes atij profesioni, të paktën për njëfarë kohe. Të kuptuarit e ndryshimit midis qëllimit tuaj të jetës dhe mundësive që përmbushin qëllimin tuaj të jetës, është i rëndësishëm, sepse rrethanat dhe mundësitë e jetës do të ndryshojnë me kalimin e kohës. Megjithatë, kjo nuk do të thotë se qëllimi juaj pushon së ekzistuari.
Qëllimi juaj i jetës është një udhëtim, jo një destinacion
Qëllimi juaj i jetës nuk është diçka që mund ta përcaktoni sot, as nuk është diçka që do ta njihni ose do ta arrini plotësisht gjatë jetës tuaj. Nëse nuk jemi në gjendje të dimë se cili është qëllimi ynë i jetës, paraprakisht, si jetojmë në kërkim të përmbushjes së tij? Si e projektojmë jetën tonë dhe bëjmë zgjedhjet më të mira që do të çojnë në përmbushjen e qëllimit tonë të jetës? Përgjigjja është se, ne punojmë me pjesët e enigmës që kemi, dhe ndjekim të dhëna të jetës. Mësimet e mbetura janë pjesë të enigmës që ne të gjithë zotërojmë dhe mund t’i përdorim.
Luani me pikat tuaja të forta
Ju nuk mund të jeni gjithçka për të gjithë njerëzit. Ju keni lindur me disa talente dhe aftësi natyrore, përdorini ato. Zhvilloni talentet tuaja natyrore duke studiuar, ushtruar dhe praktikuar ato talente. Nuk ka asgjë të keqe të përpiqeni të mësoni gjëra të reja, por gjasat janë që të keni lindur me aftësitë e nevojshme për të përmbushur qëllimin tuaj të jetës.
Ndiqni pasionet tuaja
Për çfarëdo arsye, ne të gjithë ndihemi të pasionuar për disa gjëra në jetë. Për të jetuar qëllimin tuaj të jetës, ju duhet të zhyteni plotësisht në çfarëdo që të jetë, që do të thotë se duhet të jetë diçka për të cilën jeni të pasionuar. Përndryshe, do të jeni ‘të dënuar’ për të bërë diçka, që në fund të fundit ju bën të mjerë dhe të zemëruar, në të cilin do të jetë e pamundur të performoni në nivelin më të lartë. Qëllimi juaj nuk mund të jetë diçka për të cilën do të keni inat ose do të rezistoni ta bëni.
Bëni atë që ju bën të lumtur
Të jetosh qëllimin e jetës do t’ju sjellë padyshim gëzim dhe një ndjenjë përmbushjeje personale. Nëse jeni të pakënaqur në jetën tuaj ose nëse keni një ndjenjë të paplotësisë, atëherë nuk po e jetoni qëllimin tuaj. Psikologjia pozitive, studimi i lumturisë ose mirëqenies, i atribuon mirëqenies pesë elemente: ndjenjat pozitive, angazhimin, marrëdhëniet, kuptimin (ose qëllimin) dhe arritjet. Secili prej këtyre elementeve arrihet dhe rritet natyrshëm, kur ju angazhoheni të jetoni në ndjekje të qëllimit tuaj të jetës.
Përqendrohuni në atë që mund të kontrolloni
Ka vetëm një gjë që mund ta kontrollosh: veten. Pavarësisht se sa shumë përpiqeni, pavarësisht se sa veprimet tuaja mund të bazohen në rezultatet e synuara ose të pritshme, ju absolutisht nuk mund t’i kontrolloni rezultatet e veprimeve tuaja. Gjithçka që mund të bëjmë në jetë është të bëjmë përpjekjet tona më të mira. Kjo do të thotë të kultivoni mendjen, trupin dhe shpirtin tuaj për të arritur potencialin tuaj më të madh dhe të veproni gjithmonë me qëllimet më të mira. Rruga për të jetuar qëllimin tuaj është e shtruar me qëllime të mira dhe vetë-përmirësim të vazhdueshëm.
Përqafoni krijimtarinë tuaj
Ne të gjithë jemi të aftë të prodhojmë diçka që është sa origjinale aq edhe me vlerë për botën. këto dy komponenta, origjinaliteti dhe vlera, përbëjnë përkufizimin e krijimtarisë. Nga natyra, ju jeni edhe origjinalë edhe të vlefshëm për këtë botë. Kjo do të thotë që ju jeni duke ecur, duke folur për krijimtarinë dhe është koha që të filloni të përqafoni këtë fakt. Nuk po flas për të qenët artistik, që është një formë e krijimtarisë. Unë po flas për lenten unike përmes së cilës ju shikoni botën dhe vlerën që perspektiva juaj mund të shtojë. Sigurisht, kur përqendrohuni në kultivimin e talenteve tuaja dhe zhyteni në atë që jeni të pasionuar, kreativiteti vjen lehtësisht.
Dëgjoni muzën tuaj
Ju nuk e zgjidhni qëllimin tuaj në jetë më shumë sesa zgjidhni idetë tuaja. Ju nuk zgjidhni të krijoni diçka; jeni të detyruar të krijoni diçka. Pavarësisht nëse është një melodi, pikturë, shpikje apo ide biznesi, ideja thjesht duket se ju vjen nga një vend magjik që ndihet po aq pjesë e juaja. Është si të shikoni në pasqyrë dhe papritmas reflektimi juaj po ju thotë të thoni ose të bëni diçka. Unë e quaj këtë muza juaj, sepse është burimi i frymëzimit tuaj.
Njihuni me muzën tuaj. Përpiquni të identifikoni se çfarë po thotë muza juaj përmes jush, çfarë po shpreh dhe çfarë përfaqëson. Më e rëndësishmja, kur muza juaj flet, dëgjoni. Këto janë momente të rëndësishme. Kushtojini vëmendje shumë të madhe. (MSN)...www.jetoilumtur.al/
