Firma me Cristiano Ronaldon ka rritur në mënyrë të frikshme impaktin e Al Nassr në botën e futbollit. Zyrtarizimi i 37-vjeçarin në fundin e vitit 2022 ka befasuar jo pak botën, teksa simpatia për klubin nga Arabia Saudite ka pësuar një shndërrim kolosal. Impakti i Ronaldos jo vetëm ka rritur në bursë vlerën e klubit, por edhe interesin e saj në rrjetet sociale.
Faqja në “Instagram” e klubit të Al Nassr ndiqej nga 931 mijë persona përpara se të zyrtarizonte Ronaldon, një shifër që sigurisht u shumëfishua brenda pak kohe. Tashmë faqja zyrtare e Al Nassr ndiqet nga më shumë se 3.4 milionë ndjekës, me numrin që natyrisht vijon të rritet me shifra të frikshme.
Edhe postimi ku shfaqet Ronaldo me presidentin e klubit ka pasur një impakt të madh në rrjet. Fotografia ka marrë mbi 23 milionë Like dhe shumë komente, thuajse 7-fishi i numrit që ndjekin faqen e klubit arab në Instagram. Shifra të çmendura ashtu siç edhe paga monstruoze e Ronaldos që do të jetë në Arabinë Saudite për të paktën deri në vitin 2030.
Klan News
