Në pamjet shokuese te publikuara dje nga mediat, shihen momentet një politikan indian ish-ganster qëllohet për vdekje në një transmetim direkt në TV, nga vrasës që hiqeshin si gazetarë.
Ish-deputeti indian Atiq Ahmed, i dënuar për pengmarrje, u vra bashkë me vëllanë e tij teksa shoqëroheshin të prangosur nga policia, për një kontroll mjekësor në rajonin Uttar Pradesh. Teksa ecnin dyshja ishin rrethuar nga grupe televizive, para se sulmuesit të hapnin zjarr duke i lënë ata të vdekur të shtunën.
Pamjet dramatike të vrasjeve u shpërndanë në rrjetet televizive dhe ato sociale online. Në pamje vrasësi shihet që zgjatet mes policëve për të vendosur grykën e pistoletës në kokën e Ahmed. Burrit i shpërthen turbani i kokës dhe më pas shembet përdhe.
Vëllai i ish-deputetit Ashraf Ahmed, gjithashtu u qëllua pas tij dhe dy viktimat kishin vdekur brenda disa minutave.
Policia ndaloi shpejt tre të dyshuar dhe i arrestoi. Njëri u dorëzua shpejt pas sulmit ndërsa dy të tjerët u kapën më vonë. Pas vrasjeve të dyshuarit raportohet se nisën të këndonin këngë fetare Hindu.
Një polic gjithashtu u plagos në sulm.
Policia pas sulmit tha: “Qeveria ka vendosur urdhra kufizimi pas vrasjes së Atiq Ahmed e Ashraf Ahmed të cilët ishin anëtarë të një grupi të gjerë mafioz të përfshirë në përvetësim tokash dhe disa vrasje”.
