19-vjeçarit Kevin Murataj i riu shqiptar humbi tragjikisht jetën mbrëmjen e së premtes jashtë një picerie.
Erlind Muhametaj, daja i 19-vjeçarit tregon se kishte pasur maturen dhe kishte festuar bashkë me shokët e shoqet.
Me origjinë nga Shqipëria, ai kishte lindur në Foggia të Italisë dhe jetonte në Latisana.
Sipas asaj që shkruajnë mediat italiane, 19-vjeçari sapo kishte dalë nga piceria së bashku me 8 shokë e shoqe të klasës dhe 2 mësues, kur u përplas në vijat e bardha nga një makinë që drejtohej nga një 21-vjeçar. Ngjarja e rëndë ndodhi rreth orës 23:30. Të rinjtë ishin nisur drejt diskotekës për të vijuar festën.
Kevin Murataj, që do të kishte mbushur 20 vjeç më 3 Shtator, ishte i pari në rresht. Papritur studenti u përplas nga automjeti. Dinamika e ngjarjes mbetet ende për t’u sqaruar megjithatë nga të dhënat e para shoferi i makinës kishte ndaluar në mënyrë që të rinjtë të kalonin, por siç duket nuk e kishte parë në kohë që Kevin ishte futur në vijat e bardha.
I riu u transportua me urgjencë drejt spitalit, por përplasja ishte e fortë dhe ai ndërroi jetë pa mbërritur ende.
Sipas asaj që shkruan Messaggero Veneto, familja Murataj kishin shkuar në Itali shumë vite më parë. Por asnjëri prej tyre nuk e kishte imagjinuar se do të duhej të përballeshin me një humbje kaq të madhe.
- Vlora përfshihet nga flakët, dalin detajet e para
- Zhaklina e ka goditur? Efi zbulon prapaskenën e debatit me opinionisten: Ja çfarë…
- Nga Luiz Ejlli e deri tek Olta Gixhari, befason eksperti i IT-së, ja…
- “Dasma ishte e nxituar”, Efi tregon nëse është takuar me Kiarën dhe Luizin…
