Mediat helenase raportojnë për të tjera detaje lidhur me ngjarjen e rëndë në Selanik, ku një 27-vjeçar aksidentoi për vdekje të renë greke.
Sipas dosjes hetimore, 27-vjeçari po i jepte makinës me shpejtësi të lartë, ndërsa nuk ishte i pajisur me leje drejtimi. Shtetasi shqiptar sipas dokumentave të publikuara nga Protothema.gr po i jepte makinës me shpejtësi 104 km/orë, ndërsa gjendej në një zonë të banuar, ku shpejtësia e lejuar është 50 km/orë.
Si pasojë e shpejtësisë së lartë, 27-vjeçari nuk mundi të manovrojë siç duhej dhe aksidentoi të renë greke, Emmanuela Kariorakis, duke e tërhequr zvarrë me makinë dhe duke i shkaktuar vdekjen.
Kjo e fundit ndërroi jetë pas pesë ditësh në spital, ndërsa familja e saj vendosi t’i dhuronte organet.
