Është vrarë me thikë 23 vjeçari shqiptar Koço Myftari, lindur në Delvinë e banues në Sarandë.
Ngjarja ka ndodhur pak pas ores 05.30 të mëngjesit kur policia e Athinës është njoftuar nga spitali se aty kishte mbërritur një i ri i plagosur.
Për shkak të gjendjes së rëndë ai është futur në sallën e operacionit por nuk ka mundur t’i shpëtoje plageve.
Kanë qenë miq të viktimës ata që e kanë çuar të riun në spital por janë larguar më pas. Policia ka arritur t’i identifikojë dhe shoqerojë për të marrë dëshminë e tyre.
