Kristo Çepa ka ndërruar jetë në Greqi. 56-vjeçari shqiptar gjeti vdekjen teksa ishte në ambientet e punës.
Ngjarja ka ndodhur ditën e sotme në zonën Faliro të Kavallës. 56-vjeçari mbeti i bllokuar gjatë punës nga një ekskavator i vogël dh e gjatë nxjerrjes është lënduar edhe një zjarrfikës. Burimet paraprake bëjnë të ditur se gjatë punës është rrënuar një mur. Viktima menjëherë u dergua në spitalin e qytetit ku është konfirmuar vdekja e tij.
Për nxjerrjen e tij është thirrur Shërbimi Zjarrfikës, i cili ka shkuar menjëherë në vendngjarje, ndërsa siç u bë e ditur gjatë operacionit ka mbetur i plagosur në dorë një zjarrfikës.
