Dukagjin- Vrasja e dyfishtë në Dukagjin, ku u ekzekutuan me plumb babë e bir ka tronditur opinionin publik dhe jo vetëm Në momentin e ekzekutimit ata kishin shkuar për të parë banesën e tyre të djegur një ditë më parë.
Burime bëjnë me dije se 57-vjeçarit, Gjokë Gurra ka punuar si efektiv i policisë së Shkodrës deri në vitin 2008 kur edhe është larguar nga policia.
Ai ka punuar kryesisht me lëndë drusore për ngrohje dhe transportimin e tyre në Shkodër së bashku me të birin, punë të cilën e bënin prej 15 vitesh.
Po të njëjtat burime bëjnë me dije se Gurra atualisht shërbente si kryeplak i fshatit Bruçaj.
Gjokë Gurra ishte babai i dy djemve, ndërsa djali i tij Eduarti ishte baba i dy vajzave.
Po punohet për identifikimin e autorit/autorëve që mund të fshihen pas kësaj ngjarje.
Si ndodhi ngjarja?
Babë e bir, Gjokë Gurra dhe Eduard Gurra janë ekzekutuar për vdekje nga persona ende të paidentifikuar. Lidhur me ekzekutimin e tyre, nuk është përjashtuar ende mundësia se babë e bir janë zënë në pritë në shtëpinë e tyre në Dukagjin, ndërsa prej vitesh jetonin në qytetin e Shkodrës.
Ende nuk dihen motivet e kësaj ngjarjeje të rëndë. Shërbimet e policisë dhe grupi hetimor janë nisur menjëherë për në vendngjarje dhe priten më shumë detaje.
Çfarë thotë policia?
Policia raporton se ngjarja ka ndodhur ka ndodhur rreth orës 16:40, në fshatin Sumë, Njësia Administrative Pult. Një zjarrëvënie e qëllimshme e shtëpisë së tyre në Dukagjin një natë më parë, ka bërë që Gjokë Gurra, 57 vjeç dhe Eduard Gurra, 31 vjeç, të shkojnë tek shtëpia e djegur.
