Një shqiptar është gjetur i plagosur me plumb në kokë brenda një apartamenti në Santo Cantone në Itali.
Ende nuk është e qartë çfarë ka ndodhur, por ka pasur edhe të paktën një të plagosur i cili ka tentuar të arratiset përmes ballkonit duke lënë gjurmë të dukshme gjaku në muret jashtë ndërtesës. Përpjekja e tij ka rezultuar e kotë. Italiani i plagosur 40-vjeçar është në gjendje pak më të rëndë se shqiptari.
Në vendngjarje u gjet një armë, megjithatë policia dyshon se mund të jetë përdorur më shumë se një.
Apartamenti nuk është i regjistruar për asnjërin prej tyre, por për një person të tretë që është gjithashtu me kombësi italiane.
