Në 2022, qyteti i Beratit ka pasur përqindjen më të ulët të kriminalitetit ne vend dhe ka shënuar gjithashtu ulje krahasuar edhe me një vit më parë.
Kryeprokurori Olsian Çela, në raportimin para Kuvendit, tha se Tirana ka numrin e procedimeve në të shumta, por nivelin më të lartë të kriminalitetit, e ka shënuar kryeqendra e veriut, Shkodra.
Olsian Çela, kryeprokuror: Në vitin 2022, përqindjen më të ulët të kriminalitetit për 100.000 banorë e ka qarku Berat, ndërsa përqindjen më të lartë e ka qarku Gjirokastër. Sa i përket tendencës, vërehet se rritjen më të lartë e ka qarku Shkodër me 10,64 %, ndërsa qarku Berati cili ka koeficient të kriminalitetit nën mesataren kombëtare rezulton me ulje 25,09 % krahasuar me vitin 2021.
Sipas tij, shqiptarët përfshihen më shumë në krime kundër rendit dhe sigurisë publike, ku peshën më të madhe e zënë çështje të drogës, posedimit të armëve dhe shkelje të rregullave të qarkullimit.
Olsian Çela, kryeprokuror: Ndër grup-veprat penale me numrin më të lartë të procedimeve të regjistruara, evidentohet se veprat penale kundër rendit dhe sigurisë publike përbëjnë numrin më të lartë të procedimeve penale të regjistruara me 29,45 %, por me një ulje 7,53 % krahasuar me vitin 202
1.
