Numri i të vdekurve nga shiu masiv dhe përmbytjet në Korenë e Jugut u rrit në 32 persona.
Gjashtë trupa u gjetën nga një tunel i përmbytur në qytetin qendror të Koresë, Osong, sot në mëngjes, njoftuan mediat koreano-jugore.
Për më tepër, të paktën 10 persona konsideroheshin ende të zhdukur. Autoritetet besojnë se numri i viktimave mund të rritet më tej.
Shirat e rrëmbyeshëm kanë vazhduar që nga fundi i javës së kaluar. Ato kanë shkaktuar disa rrëshqitje dherash dhe ndërprerje të përkohshme të energjisë elektrike në pjesë të ndryshme të vendit.
Më shumë se 7000 banorë duhej të evakuoheshin nga shtëpitë e tyre dhe të shpëtoheshin nga përmbytjet.about:blank
Situata mbeti e tensionuar. Byroja Kombëtare e Motit ka njoftuar se reshjet e dendura të vazhdueshme do të vazhdojnë edhe në ditët në vijim në pjesën më të madhe të vendit.
